AKADEMIAN 12 KIDE BERRI BARNERATZEN DIRA ETA ORGANU EXEKUTIBOAREN KARGUAK ERE BERRITZEN DIRA 56 KIDEZ OSATUTA GELDITUZ

Bilkura Presidentetza eta Mahaia berritzeko (Mahaia akademiaren organo betearazlea da) eta 12 Kide Oso berri bozkatzeko helburuarekin egin da.

Mahaiaren berritzea eta Kide berrien barneratzea

Bilkurak, bozketaren ostean zuzendaritza kargu hauek erabaki ditu: Presidente bezala, Jesus M. Ugalde eta presidente orde bezala, Javier Echeverría (Filosofia) eta Javier Tejada (Fisika). Mahaiaren kide bezala aukeratuak izan dira: José María Asua (Kimika), José Luis De la Cuesta (Zuzenbide Penala), Javier Echeverría (Filosofia), Gurutz Jáuregui (Zuzenbide Konstituzionala) eta Javier Tejada (Fisika).

Enpresa (1), Natur Zientzia eta Medikuntza (5) eta Humanitateen, Arteen eta Gizarte Zientzien (6) alorretan aukeratu diren 12 Kide Osoak honakoak izan dira: ANDRÉS ARIZKORRETA GARCÍA (Ekonomia), MARÍA ISABEL ARRIORTUA MARCAIDA (Kristalografia eta Mineralogia), AGUSTÍN AZKARATE GARAI-OLAUN (Arkeologia), JOSÉ MANUEL CASTELLS ARTECHE (Zuzenbidea), ENRIQUE ECHEBURÚA ODRIOZOLA (Psikologia), JUAN PABLO FUSI AIZPÚRUA (Historia), MARÍA SONIA GAZTAMBIDE SÁENZ (Medikuntza eta Kirurgia), JOAQUÍN GORROCHATEGUI CHURRUCA
(Hizkuntzalaritza), JOSÉ GUIMÓN UGARTECHEA (Psikiatria), JOSÉ FÉLIX MARTÍ MASSÓ (Neurologia), JUAN IGNACIO PÉREZ IGLESIAS (Biologia), JUAN JOSÉ ZARRANZ IMIRIZALDU (Neurologia).

Gaur egun, kide osoez gain, Jakiundeko kide dira bere jarduera-eremuko 7 Unibertsitateetako Errektoreak ere. Jakiundek kidea zen Xabier Lete 2010ean zendu zen. Zabalkunde berriarekin, Jakiundek orotara 56 pertsonalitate izango ditu, guztiak ere zientzien, arteen eta literaturaren alorrean sona handikoak.

JESUS M. UGALDE JAKIUNDE AKADEMIAKO PRESIDENTE BERRIA AUKERATUA IZAN DA

Jesus M. Ugalde, EHUko Kimika eta Fisika katedraduna, Jakiundeko presidente bezala aukeratua izan da ostiral honetako Ohiko Bilkurako bozketen ondoren non
Mahaiaren eraketa berritu eta Zientzia, Artea eta Literatura alorrean esanguratsuak diren 12 kide berri ere aukeratu dira.

Pedro Miguel Etxenikek bere agintaldia amaitzen du Akademia bere antolaketa juridiko-instituzionala finkatu, aurrekontu egonkortasuna lortu, egoitza propioa izatea ahalbideratu eta azkenik, aholkuraritza, formakuntza eta zabaltze programa desberdinak martxan jarri ondoren. Gaur arte presidentea izan denak Unibertsitateetako Errektoreen, Eusko Ikaskuntzaren, Eusko Jaurlaritzaren, Foru Aldundien, Kutxaren eta Jakiundeko kide askoren lan eskuzabala behin baino gehiagotan azpimarratu du bere hitzaldi guztietan.

Presidente berriak, Jesus M. Ugaldek, bere aurrekoaren, Pedro Miguel Etxenikeren, lana azpimarratu du bai eta Akademia martxan jartzeko eta finkatzeko azaldu duen adorea.

Etorkizuneko erronken artean Akademiak Euskal Autonomi Erkidegoko, Nafarroako eta Iparraldeko instituzio eta erakundeen aurrean gaur egungo
erronkei diziplina anitzeko ikuskera batetik erantzunak emateko maila goreneko entitate aholkulari gisa ezagutza izateko beharrezkoa den sustatze prozesua
sakontzen jarraitu behar duela adierazi du.

La suerte favorece sólo a la mente preparada.

Isaac Asimov